ಕಂಡೆನಾ ತಂಡ ತಂಡದ ಹಿಂಡು ದೈವ ಪ್ರಚಂಡ ರಿಪುಗಂಡ ಉದ್ಧಂಡ ನರಸಿಂಹನ
ಘುಡು-ಘುಡಿಸಿ ಕಂಭದಲಿ ಧಡ-ಧಡ ಸಿಡಿಲು ಸಿಡಿಯೆ
ಹಿಡಿ-ಹಿಡಿಸೆ ನುಡಿಯಡದಲೊಡನೆ ಮುಡಿವಿಡಿದು
ಘಡ-ಘಡನೆ ನಡು ನಡುಗೆ ಘುಡು-ಘುಡಿಸಿ ಸಭೆ ಭೆಧರೆ
ಹಿಡಿ-ಹಿಡಿದು ಹಿರಣ್ಯಕನ ತೊಡೆಯಲ್ಲಿ ಕೆಡಗಿದನ
ಕಂಡೆನಾ ತಂಡ-ತಂಡದ ಹಿಂಡು ದೈವ ಪ್ರಚಂಡ ರಿಪುಗಂಡ ಉದ್ಧಂಡ ನರಸಿಂಹನ
ಪುರದೊಳಪ್ಪಳಿಸಿ ಅರಿ ಶಿರವ ಸರ-ಸರ ಸೀಳಿ
ಪರಿ-ಪರಿಯಲಿ ಚರ್ಮ ಎಳೆದೆಳೆದು ಎಲುಬು ನರ
ನರವನ್ನು ತೆಗೆದು ನಿರ್ಗತಿತ ಶೋಣಿತ ಸುರಿಯೆ
ಹರಿ-ಹರಿದು ಕರುಳ ಕೊರಳೊಳಗೆ ಇಟ್ಟವನ
ಕಂಡೆನಾ ತಂಡ ತಂಡದ ಹಿಂಡು ದೈವ ಪ್ರಚಂಡ ರಿಪುಗಂಡ ಉದ್ಧಂಡ ನರಸಿಂಹನ
ಪುರ ಜನರು ಹಾ ಎನಲು ಸುರರು ಹೂಮಳೆ ಗರೆಯೇ ತರ-ತರದ ವಾದ್ಯ ಸಂಭ್ರಮಗಳಿಂದ
ಹರಿ-ಹರಿಯೇ ಶರಣೆಂದು ಶ್ರುತಿಸಿ ಶಿಶು ಮೊರೆಯಿಡುವ ಕರುಣಾಳು ಕಾಗಿನೆಲೆ ಆದಿಕೇಶವನ
ಕಂಡೆನಾ ತಂಡ ತಂಡದ ಹಿಂಡು ದೈವ ಪ್ರಚಂಡ ರಿಪುಗಂಡ ಉದ್ಧಂಡ ನರಸಿಂಹನ
No comments:
Post a Comment
ನಿಮ್ಮ ಅನಿಸಿಕೆಗಳು, ಈ blog ಅಭಿವೃದ್ಧಿಗೆ ಬಹಳ ಅತ್ಯಗತ್ಯ .....ತಿಳುವಳಿಕೆಯ ಮಾತಾಗಲಿ..... ಮೆಚ್ಚುಗೆಯ ಮಾತಾಗಲಿ.... ಬಿಚ್ಚುಹೃದಯದಿಂದ.....ಗರ್ಜಿಸಿ ಹೇಳಿ.... :)